အထပ်ပေါင်း ခုနှစ်လွှာရှိသည့် ထူးခြားဆန်းကြယ်လှသော ကရင်ပြည်နယ်က ဣစ္ဆာသယလိုဏ်ဂူ..
https://updatenew.net/archives/17561
အထပ်ပေါင်း ခုနှစ်လွှာရှိသည့် ထူးခြားဆန်းကြယ်လှသော ကရင်ပြည်နယ်က ဣစ္ဆာသယလိုဏ်ဂူ..
အထပ်ပေါင်း ခုနှစ်လွှာရှိသည့် ထူးခြားဆန်းကြယ်လှသော ကရင်ပြည်နယ်က ဣစ္ဆာသယလိုဏ်ဂူ..
ကရင်ပြည်နယ်အတွင် သဘာဝထုံးကျောက်လှိုင်ဂူများအနက်သဘာဝအလှတရားများဖြင့် ဆန်းကျယ်လှသည့် အထပ် အလွှာပေါင်း (၇)လွှာရှိသော ဣစ္ဆာသယလှိုင်ဂူတော်သည် ဘားအံမြို့နှင့် (၇)မိုင်ခန့်အကွာ ဘားအံ – လှိုင်းဘွဲ ကားလမ်းမှ တစ်ဆင့် နောင်ပလိန်ကားလမ်း အတိုင်း သွားရောက်နိုင်ပြီး ကတ္တရာလမ်းခင်း ပေးထားသည့်အတွက် ယာဉ်ကြီး/ယာဉ်ငယ် မရွေး သွားလာနိုင်ကြောင်းသိရသည်။
ဣစ္ဆာသယလှိုင်ဂူသည် ဂူအတွင်းပိုင်းသို့ အလျား တစ်မိုင်ခန့်ရှည်လျားပြီး နှစ်ဖက်ပေါက်ဂူ ဖြစ်ခြင်းကြောင့်လည်း တွေ့ရခဲ့ယာဉ်းသည့် ဂူအမျိုးအစားလည်းဖြစ်ကာ ဂူ၏အတွင်းပိုင်းမှာလည်း အံဩဖွယ်ရာ သဘာဝအလျှောက် အထပ် အလွှာ ပေါင်း (၇)လွှာဖြစ်နေပေသည်။
ထို့ကြောင့် ဣစ္ဆာသယလှိုင်ဂူသည် ကရင်ပြည်နယ်အတွင်းရှိ အခြားဂူများနှင့်မတူဘဲ တမူထူးခြားစွာဖြင့် တည်ရှိနေပြီး ဂူအတွင်း က ကျယ်ဝန်းလှသည့် အခန်းများကလည်း သဘာဝအလျှောက်ဖြစ်ပေါ်လျှက်ရှိနေကာ ထူးဆန်းစွာ ဂူအတွင်းပိုင်းသို့ အလင်းရောင်များလည်း ကောင်းစွာရရှိသဖြင့် မူလသဝအတိုင်း ကျောက်စက်ပန်းဆွဲ ၊ကျောက်မိုးမျှော်များ၊ ပြုပြင်ထားခြင်းမရှိသေး၍နှစ်သန်းချီမှဖြစ်ပေါ်တည်ရှိအပ်သည့် သဘာဝအလှများကို တဝကြီးခံစားနိုင်ကြောင်းသိရသည်။
“ဒီဂူက သိပ်မသိကြသေးဘူးလေ၊ အရင်ကတော့ ဒီအတိုင်းထားတာ၊ ကျောင်းကိုလာတဲ့ ဒါယိကာ/ဒါယိကာမတွေက စိတ်ဝင်တစားနဲ့ ဝင်ကြည့်ကြရင်း လျှောက်ကြလို့ ဆရာတော်ဦးဆောင်ပြီးလွန်ခဲ့သော (၃)လလောက်ကစတင်ပြီးတော့ ဂူအတွင်းပိုင်းကိုမီးတွေသွယ်တန်းတယ်၊ သာသနိက ဆိုင်ရာအချို့ကို ပြုပြင်မွမ်းမံတာတွေ စလုပ်တာပါ”ဟု ဆရာတော် ဦးဆန္ဒာဓိကမှ မိန့်ကြားသည်။
အဆိုပါဂူအား ယခင်းက လာရောက်သူနည်းပါးပြီး လူအသိနည်းခဲ့သော်လည်း ယခုအခါ လာရောက်လေ့လာကြည့်ရှု သူများ၊ အလှဓါတ်ပုံလာရောက် ရိုက်ကူများဖြင့် တစ်စတစ်စ များပြားလာပြီဖြစ်ရာ လာရောက်သူများကိုလည်း ဆရာတော်မှ သက်သက်လွတ် ထမင်းဟင်းဖြင့် ကျွေးမွေးကြောင်း သိရသည်။
“ဂူအတွင်းပိုင်းမှာက သမိုင်းတစ်က ရှေးဟောင်းလက်ရာဗုဒ္ဓရုပ်ပွားတော်တွေနဲ့ သဘာဝအတိုင်းဖြစ်ပေါ်နေတဲ့ ကျောက်ခက်ပန်းဆွဲတွေ၊ သဘာဝအလှတရားတွေက ခရီးသွားပြည်သူများကို အဓိကစွဲဆောင်စေပါတယ်၊ ဂူထဲကို ရောက်ပြီးရင် ကြည့်လို့မဝ ဓါတ်ပုံရိုက်လို့မဝအောင် ဖြစ်စေတာက တခြားဂူတွေနဲ့မတူတဲ့ ထူးခြားချက်ပါ နောက်တစ်ချက် အားသာချက်က…
ဂူအတွင်းပိုင်းက တော်တော်ကျယ်တယ်၊ လေဝင်လေထွက်ကောင်းတယ်၊ အလင်းရောင် ဝင်ပေါက်ကလည်း သဘာဝအလျောက်ဖြစ်ပေါ်နေတယ်၊ နောက်တစ်ချက်ပိုထူးတာက ဂူထဲမှာ အလင်းရောင်ဖြာကျလာရင် ရွှေရောင်အဆင်း အလင်းရောင်ပြန်ပြီး ထင်ဟပ်နေပါတယ်” ဟု ဂေါပကအဖွဲ့ဝင်တစ်ဦးပြောသည်။
ဣစ္ဆာသယလှိုင်ဂူတော်သို့ လာရောက်လည်ပတ်မည်ဆိုပါက အဆိုပါဂူနှင့် ခရီးစဉ်တစ်ဆက်တည်း ဖြစ်သော လှိုင်းဘွဲ မြို့နယ်အတွင်းရှိ သာယာလှပသောကျုံထော်ရေတံခွန်သို့ သွားရောက်နိုင်ပြီး ကျုံထော်မှအပြန် မြိုင်ကြီးငူအထူးဒေသရှိ စိန်ပန်းမြိုင်ဆည်ကိုလည်း အလှကြည့်ရှုနိုင်သည့်အပြင် မြိုင်ကြီးငူဆရာတော်ကြီး၏ မြသပိတ်ဌာပနာထားသည့်
နန်းဦး ဆုတောင်းပြည့်ဘုရားနှင့် ဘေသဇ္ဇမုနိကြေးသွန်းဘုရားကြီးကိုလည်း ဖူးမျှော်နိုင်သည့်အပြင် သံလွင်မြစ်၏ သဘာဝအလှများ အားဘုရားရင်ပြင်ပေါ်မှခံစားနိုင်ကာ ဘုရားအတွင်း ပန်းချီကားများရှိ ကဗျည်းတွေကိုလည်း သေချာဖတ်ရှုကြည့် နိုင်ပါသည်။
ထိုမှတဖန် မြိုင်ကြီးငူအထွက်တွင် ရေပြန်ကျွန်း ဆုတောင်းပြည့်ဘုရားကြီးဖူးရင်း သဘာဝတောတောင် သဘာဝအလှတွေ ကြည့်ရှု့ခံစားကာ တခင်းလုံကျေးရွာရှိ ဖဒုံဂူဘုရားနှင့်ဘားအံမြို့ တောင်ကလေး မြစေတီဘုရားကိုလည်း ဖူးမျှော်နိုင်ခြင်း၊ ဖားပျံဂူကိုလည်း ဖူးမျှော်လေ့လာနိုင်ခြင်း၊ တောင်ဝိုင်းတောင်သိုို့လည်း သွားရောက်ကာ သဘာဝအလှတွေကို ခံစားရင်း သာယာလှပသောရှုမျှော်ခင်းများကိုမိုးပျံသံလှေခါးတွင်အမှတ်တရအလှပုံများဖြင့်မှတ်တမ်းဓာတ်ပုံများရိုက်ကူးနိုင်ကြောင်းသိရသည်။
ထို့ကြောင့် ပြည်တွင်းပြည်ပ ခရီးသွားဧည့်သည်များအနေဖြင့် ထူးခြားဆန်းကျယ်ပြီး သဘာဝအလှတရားများဖြင့် တည်ရှိနေသည့် ဣစ္ဆာသယလှိုင်ဂူတော်သည် ကရင်ပြည်နယ်အတွင်းက တမူထူးခြားသည့် အထပ် အလွှာ(၇)လွှာရှိသော တစ်ခုတည်းသော ဂူတော်ဖြစ်ပေရာ ခရီးစဉ်အတွင်း၌လည်းလှိုင်းဘွဲမြို့နယ်အတွင်းသို့ သွားရောက် လည်ပတ်နိုင်သည့် ခရီးစဉ်များနှင့် တစ်ခရီးတည်းရှိနေရာ ဣစ္ဆာသယလှိုင်ဂူတော်သည် လာရောက်ဖူးမျှော်လေ့လာသင့်သည့် ဂူတော်ဖြစ်ပြီး
အေးချမ်းစွာတရားထိုင်ဝိပဿနာပွားများ လိုသူများအတွက် အထူးသင့်လျော်ရာနေရာတစ်ခု ဖြစ်သည့်အပြင် လာရောက် ဖူးမျှော်လေ့လာသူများနှင့် ထူးခြားဆန်းပြား စူးစမ်းလေ့လာလိုသူများ ကိုလည်း တမူထူးခြားသည့် သဘာဝ အလှတရားများ ကို တဝကြီး လေ့လာနိုင်မည်ဖြစ်ကြောင်းသိရသည်။
Credit-Myanmaalinn
မင်းသူ/ထွန်းထွန်းထွေး(ဘားအံ)၊သတင်းဓာတ်ပုံ – ဖြိုးဝေဆက်
No comments:
Post a Comment