ကြွက်တက်ခြင်း အတွက် အိမ်တွင်း သာဘာဝ ကုသနည်းများ
ကြွက်တက်ခြင်းဆိုတာ ကိုယ်ခန္ဓာထဲရှိ ဆားဓာတ်များနဲ့ သတ္တုဓာတ်များ မျှတမှုမရှိခြင်းကို ပြသနေခြင်းဖြစ်ပါတယ်။ ကြွက်သားများ ရုတ်တရက် အပြင်းအထန် နာကျင်တင်းမာလာပြီး ပြန်လည် ပြေလျော့မှသာ နာကျင်မှုသက်သာပါတယ်။ ဖြစ်ပွားစေသော အကြောင်းရင်းပေါ်မူတည်ပြီး အားဆေးများမှီဝဲခြင်း ဆေးသောက်ခြင်း ပြုလုပ်နိုင်ပြီး အောက်ပါ သဘာဝနည်းများကိုလဲ အသုံးပြုနိုင်ပါတယ်။
(၁) ရေဓာတ်ပြည့်ဝပါစေ
လေ့ကျင့်ခန်း အပြင်းအထန်လုပ်ပြီး သို့မဟုတ် နေပူထဲတွင်အားကစား လေ့ကျင့်ပြီးနောက် ချွေးထွက်လွန်ခြင်းကြောင့် ရေဓာတ်ဆုံးရှုံးရာမှ ကယ်ဆီယမ် ပိုတက်ဆီယမ်နဲ့ မက်ဂနီဆီယမ်များလဲ ကိုယ်ထဲမှ ဆုံးရှုံးသွားပါတယ်။ ထိုသို့ လိုအပ်သော ဓာတ်များ မမျှတရာမှ ကြွက်တက်ခြင်း ဖြစ်ပေါ်စေပါတယ်။ ဒါကြောင့် အားကစားမပြုလုပ်ခင်ကော လုပ်နေစဉ်နဲ့လုပ်ပြီးအချိန်များတွင်ပါ ရေကို သောက်သုံးသင့်ပါတယ်။ ဆားဓာတ်ပါပြီးသား အားကစားအချိူရည်များလဲ သောက်သုံးနိုင်ပါတယ်။
(၂) ခြေဆန့်လေ့ကျင့်ခန်း
ကြွက်သားများ ပြေလျော့စေဖို့ အညောင်းဆန့် လေ့ကျင့်ခန်းပုံမှန် ပြုလုပ်ပေးသင့်တယ်ပါတယ်။ အထူးသဖြင့် အားကစားမပြုလုပ်မီနဲ့ ပြုလုပ်ပြီးနောက် သွေးလှည့်ပတ်မှု ကောင်းစေဖို့ အကြောလျှော့ လေ့ကျင့်ခန်းပြုလုပ်ပေးပါ။ သင်ဟာ ညတရေးနိုးမှာ ကြွက်တက်ပြီး နိုးထလာတယ်ဆိုပါက ဖြစ်ပွားသော နေရာကို လက်သီးဆုပ်ဖြင့် အပေါ်အောက်ဖိနှိပ်ပေးခြင်းနဲ့အတူ အကြောဆန့် ကျေင့်ခန်းပြုလုပ်ပေးခြင်းဖြင့် သက်သာစေပါတယ်။
အမေရိကန်နိုင်ငံ နယူးယောက်မှ ပညာရှင်များ သတ်မှတ်ထားသော အကြောဆန့် လေ့ကျင့်ခန်းမှာ နံရံကနေ လက်တစ်ဆန့်စာ ခွာရပ်ပါ။ ထို့နောက် နံရံကို လက်ဖြင့်တွန်းပြီး ဒူး၂ဖက်ကိုချိတ်ထားပါ။ သင့်ခြေသလုံး ကြွက်သားများတွင် အားထည့်ထားပါ။ ထိုအနေအထားကို ၁၀ စက္ကန့်ထားပြီး ၃ ကြိမ်ပြုလုပ်ပါ။ ကြွက်တက်ခြင်းကိုသါ် သက်သာစေပါလိမ့်မည်။ နောက်တစ်နည်း အနေနဲ့ ခြေဖ၀ါးအောက်တွင် တင်းနစ်ဘောလုံးကိုထားပြီး လှိမ့်ပေးပါ။
(၃) အပူ အအေးနည်း
အပူနဲ့ အအေးကို တစ်လှည့်စီ မိနစ် ၂၀ ခန့် ကပ်ပေးရပါမယ်။ ရေခဲက နာကျင်မှုဒဏ်ရာများကို သက်သာစေပြီး ကြွက်သားများ ပြေလျော့စေပါတယ်။ ရေနွေးက ကြွက်သား တင်းမာမှုများကို လျှော့ချပေးပါတယ်။
(၄) ပိုတက်ဆီယမ်ပါသော အစာများစားပါ
ကြွက်သားတွေ အကွေးအဆန့်လုပ်ဖို့နဲ့ အာရုံကြောများ အလုပ်လုပ်ဖို့ ပိုတက်စီယမ်ကို လိုအပ်ပါတယ်။ ငှက်ပျောသီး၊ ကီဝီသီး၊ ဂရိတ်ဖုသီး၊ သင်္ဘောသီး၊ အာလူး၊ ခရမ်းချဉ်သီး၊ ပဲ၊ ငါးနဲ့ နို့ထွက် ပစည်းများဖြစ်သော ချိစ် ၊ဒိန်ချဉ်တို့ကို စားပေးဖို့လိုပါတယ်။
(၅) မက်ဂနီဆီယမ်ပါသော အစာများကိုစားပါ
ကိုယ်ဝန်ဆောင်ချိန် ကြွက်တက်သော မိခင်များအနက် ၃၀ ရာနှုန်းခန့်သည် မက်ဂနီဆီယမ် ချိူ့တဲ့သောကြောင့် ဖြစ်ပါတယ်။ ဂျူံ၊ အစိမ်းရောင်အရွက်များ၊ ပဲများကို စားသုံးနိုင်ပြီး မက်ဂနီဆီယမ် အားဆေးပြားများ မှီဝဲပါ။
(၆) ကယ်ဆီယမ်ပါသော အစာများစားပါ
နှမ်း၊ အစိမ်းရောင်အရွက်များနှင့် သစ်အယ်သီး၊ တို့ဟူး၊ ချိစ်၊ဟဒိန်ချဉ်နဲ့နွားနို့များ စားပေးပါ။ ကြွက်သားများ သန်မာဖို့နဲ့ ပြေလျော့ဖို့ ကယ်ဆီယမ်က အရေးကြီးပါတယ်။ အရိုးများကိုလဲ သန်မာစေပါတယ်။
Credit : Dr Jue (Daily Hot News)
https://thadinyatkwat.com/archives/18523
No comments:
Post a Comment