စိတ်ပူလို့ သတိထားနေတဲ့ ကြားကနေ ရုတ်တရက် ကိုယ်ဝန်ရသွားနိုင်တဲ့ အကြောင်းရင်းများ
https://updatenew.net/archives/21776
စိတ်ပူလို့ သတိထားနေတဲ့ ကြားကနေ ရုတ်တရက် ကိုယ်ဝန်ရသွားနိုင်တဲ့ အကြောင်းရင်းများ
စိတ်ပူလို့ သတိထားနေတဲ့ ကြားကနေ ရုတ်တရက် ကိုယ်ဝန်ရသွားနိုင်တဲ့ အကြောင်းရင်းများ
သတိထားနေတဲ့ကြားက ကိုယ်ဝန် ရှိသွားနိုင်တယ်နော်
ဗိုက်ကိုက ကြီးပဲ ကြီးနိုင်လွန်း မလိုချင်ပါဘူးဆို လာပဲ လာနိုင်လွန်းလို့ စိတ်ညစ်ရသူတွေ အတွက် ဟောဒီမှာ မမတို့ သတိမထားမိ တတ်တဲ့ ဟာကွက်လေးတွေ။ သတိမမူ ဂူမမြင်တဲ့။ နမော်နမဲ့နဲ့ ဂူဝင်မတိုက်မိအောင် ဒါလေးတွေ ရှောင်နော်။
နို့တိုက် မိခင်တွေမှာ ကလေး မရတတ်ပေမယ့် နို့တိုက်နေတာ ချည်းကိုပဲ အားထားပြီး ဘာမှမသုံးဘူး ဆိုတာတော့ ဟုတ်သေးဘူးနော့် ။
ကလေးမွေးပြီး နှစ်ပတ်အတွင်း ချစ်စရာ သားဥလေးက ကြွေပါတယ်လို့၊ ကလေးဆိုးလေးကို ထိန်းချင်ရင် ၄၅ ရက်ပြည့်တာနဲ့ သုံးလခံဆေး ထိုးကြပါ ။
ဆေးသောက်ပြီး သန္ဓေတား တာတော့ ဟုတ်ပါရဲ့။ ဆေးသောက်နေတုန်း နေမကောင်းလို့ ပဋိဇီဝဆေး သောက်ရရင်တော့ အခြေအနေ မလှဘူး မှတ်ပါလေ ၊ ပဋိဇီဝဆေး သောက်နေရတော့ ဟိုဆေးကို ကျော်ရင်းခွရင်း ဗိုက်ကြီးသွား တတ်လို့ပါ။
ဗိုက်နာ၊ ဝမ်းပျက် အန်တာ ကြုံရရင် အထက်လန် အောက်လျှော ဖြစ်ထားရင် ဆေးစုပ်ယူမှု နည်းသွားတယ်။ ဒီတော့ နလန်ထစ ကဲချင်ရင် အဲလိုရက်ဆို ကွန်ဒုံးလေး ဖြည့်သုံးလိုက် ပါလို့ ။
ကွန်ဒုံး စွပ်တာကို ဆရာကျကျ ကျင့်ပါ။ ကွန်ဒုံး အစွပ်မတော်လို့ ပေါက်သွားလို့ ဗိုက်ကြီး ရသူတွေ တစ်ပုံ တစ်ပင်နော်
သားအိမ်တွင်း ပစ္စည်း ထည့်ထားပေမယ့် စိတ်ချမနေနဲ့ဦး။ လူတစ်ရာမှာ တစ်ယောက်လောက်က ကိုယ်ဝန် မတော်တဆ ရတတ်သတဲ့။ သိပ်ရှားပေမယ့် အဲဒီတစ်ယောက်က ကိုယ်မဖြစ်ဖို့ ဆုတောင်းလေ။
ယောကျာ်းက သားကြော ဖြတ်ထားတယ် ဆိုရင်း စိတ်ချပြီး ကဲနေလို့ မရ၊ သားကြောဖြတ်ပြီး သုံးလအတွင်း ဆရာဝန်က အိုကေပြီလို့ ထောက်ခံမှ စိတ်ချရတယ် ကိုကို တို့ရေ။
ကိုယ်က ကလေး မရနိုင်ပါဘူး။ ဘယ်လောက် ကြိုးစားကြိုးစား အဆင်မပြေဘူးလို့ ဒီတိုင်းပဲ လွှတ်ထားပြီးမှ ကောက်ကာငင်ကာ ကိုယ်ဝန် ရသွားတတ်သေးတယ်။ သဘာဝတရား ဆိုတာ သိပ်ထူးဆန်းတဲ့ အမျိုး။
ကိုယ်ဝန်ရပြီးမှ ထပ်ရတာ။ ဪ ဖြစ်နိုင်တာ ပဲလေ။ ကိုယ်ဝန်ရှိပြီးသား ကိုမှ သားဥကြွေပြီး ယောက်ျားနဲ့ ကွက်တိ အတူ နေလိုက်ရင် ထပ်ဆင့် ကိုယ်ဝန် ရှိခြင်း ဆိုတာ ဖြစ်လာရော။
သားအိမ်ထဲမှာ သန္ဓေအိတ်တွေ ထပ်တည်လာတာ။ Superfestation လို့ခေါ်တယ်။ အဲဒီအကြောင်းကို အသေးစိတ် ထပ်တင်ပေးပါမယ်။
သုံးလခံဆေး ထိုးနေပါလျက်နဲ့ ကိုယ်ဝန် ရှိသွားတာ၊ သုံးလခံဆေးကို သုံးလပြည့်တဲ့ အထိ မစောင့်ရဘူး။ အနည်းဆုံး တပတ် ကြိုထိုးရတယ်။ အဲဒါမှ သူ့အာနိသင် လာတဲ့အချိန်နဲ့ ကွက်တိကျတာ။
သုံးလခံဆေး ထိုးပြီး ဆေးဖြတ်လိုက်တော့ ရာသီမလာဘူး။ ရာသီ မမှန်ဘူး။ ဒါနဲ့ပဲ ကိုယ်ဝန် မရနိုင်ပါဘူးလို့ အေးနေလို့ မဖြစ်။ သားဥပြန်ကြွေလာတဲ့ အချိန် အမျိုးသားသုတ်ကောင်နဲ့ တွေ့ရင် ကိုယ်ဝန် ရသွားနိုင် သေးတာပဲ။
ကဲ …… ရုတ်တရက် ကိုယ်ဝန်ရသွားနိုင်တဲ့ အကြောင်း အချက်အလက်လေး တွေကို ဗဟုသုတ မျှဝေလိုက်တာမို့ လက်တွေ့အသုံးကျကြပါစေ..
ဂျီပီငှက် (ဆေး ၊ မန်း)
Credit – DrMyanmar
No comments:
Post a Comment