သင်္ခါရ” အိန္ဒိယမှာ ဆေးသွားစစ်ရင်း ကွယ်လွန်ခဲ့ရတဲ့ ဆရာဝန်တစ်ဦးရဲ့ ကြေကွဲစရာနောက်ဆုံးခရီး

သင်္ခါရ” အိန္ဒိယမှာ ဆေးသွားစစ်ရင်း ကွယ်လွန်ခဲ့ရတဲ့ ဆရာဝန်တစ်ဦးရဲ့ ကြေကွဲစရာနောက်ဆုံးခရီး

မန္တလေးမြို့က အသက် ၅၆ နှစ်အရွယ် ဆရာဝန်ကြီးတစ်ဦးဟာ ကျောက်ကပ်ဝေဒနာကြောင့် မိသားစုအဖော် မည်သူမျှမပါပဲ အိန္ဒိယနိုင်ငံ အပိုလိုဆေးရုံမှာ ဆေးစစ်ချက်ခံယူနေစဉ် ကွယ်လွန်ခဲ့ရတဲ့ နောက်ဆုံးခရီးက စိတ်မကောင်းစရာ ကောင်းလှပါတယ်။
“လာတုန်းကလည်း တစ်ယောက်ထဲ၊ ပြန်သွားတော့လဲ တစ်ယောက်ထဲ” ဆိုတဲ့ သင်္ခါရ ဆောင်ပုဒ်ထဲက စာသားလေးအတိုင်း နိုင်ငံရပ်ခြားမှာ တစ်ယောက်ထဲ မသိလမ်းကို ခရီးဆက် ထွက်သွားခဲ့ရတဲ့အကြောင်းနဲ့ ဗုဒ္ဓဘာသာဝင်ဖြစ်တဲ့ သူ့ရဲ့နောက်ဆုံးခရီးကို အချောမွေ့ဆုံးဖြစ်အောင် ကူညီဆောင်ရွက်ပေးခဲ့တဲ့ ဆရာတော်တစ်ပါးက ရေးသားဖော်ပြခဲ့ပါတယ်။
.
မန္တလေးက ဆရာဝန်။ အသက် ၅၆ နှစ်။ နယူးဒေလီ အပိုလိုဆေးရုံမှာ ဆေးကုသမှုခံယူရင်း ကွယ်လွန်။
မိသားစု၊ ဆွေမျိုးသားချင်း တစ်ဦးတလေမျှ ပါမလာခဲ့။ သူနဲ့ အနီးစပ်ဆုံးပါလာသူဆိုလို့ လူနာအေးဂျင့်ဖြစ်တဲ့ အစ္စလာမ်ဒကာလေးတစ်ဦးတော့ ရှိရဲ့။ သူ့အတွက် ထမင်းချက်စသည် ပြုစုဖို့ ခေါ်ထားတာက အိန္ဒိယရောက် ခရစ်ယန်ဘာသာဝင် ချင်းအမျိုးသား။
ကွယ်လွန်သူ ကိုယ်တိုင်က ဆရာဝန်ဖြစ်နေတာရယ်။ ရောဂါကလည်း အခြားမဟုတ်။ လွန်ခဲ့နှစ်နှစ်က ကျောက်ကပ် အစားထိုးထားတာ။ အခု အဆင်မပြေတာလေးရှိလို့ ပြန်လာပြတာရယ်ဆိုတော့ မိသားစုတွေ အကူတွေမပါဘဲ အေးဂျင့်အားကိုးနဲ့ လာခဲ့ဟန်တူပါတယ်။
.
မမျှော်လင့်ဘဲ ဆုံးပါးသွားတော့ မိသားစုဆုံးဖြတ်ချက်က ဘယ်သူမှလည်း လိုက်မလာသလို ဘော်ဒီကိုလည်း မြန်မာပြည် ပြန်မသယ်ဖို့။ အိန္ဒိယမှာပဲ သင်္ဂြိုဟ်ပြီး အရိုးပြာပဲ ပြန်ယူလာဖို့ ဖြစ်လာတယ်။
လူတစ်ယောက်သေဆုံးတာ အလွယ်တကူ သင်္ဂြိုဟ်လိုက်ဖို့ဆိုတော့ လူ့ယဉ်ကျေးမှုအစွဲစိတ်က ခွင့်မပြု။ ကွယ်လွန်သူရဲ့ ဘာသာရေးဓလေ့ထုံးတမ်းအတိုင်း သူ့နောက်ဆုံးခရီးကို ပို့ပေးလိုက်ချင်သည်။ ဒါသည်ပင် လူ့တာဝန်လူ့ဝတ်တရားဟု မှတ်ယူကြသည်မဟုတ်လား။အနီးစပ်ဆုံး တာဝန်ရှိသူကလည်း အစ္စလာမ်ဘာသာဝင်ဆိုတော့ ဆောင်ရွက်ပေးနိုင်မယ့်သူကို ဟိုမေးဒီစမ်းနဲ့ ရှာဖွေရတော့သည်။
.
တွေ့မယ့်တွေ့တော့ ကိုနန်းကို တွေ့သည်။ ကိုနန်းလို့ခေါ်ရပေမယ့် အရွယ်က ၆၀ ဝန်းကျင်။ ရန်ကုန်ဇာတိ ရန်ကုန်သား။ နယူးဒေလီမှာ ကြီးပြင်းခဲ့သူ။ သူ့လိပ်စာကတ်မှာ ရေးထားတာက ကိုနန်း(ရန်ကုန်သား)တဲ့။ ရန်ကုန်စွဲကြီးလှပါလားလို့ တွေးမိသေးသည်။ ကိုနန်းဆိုတာ သူ့နာမည်အရင်း (Kaudan ကွန်ဒန်း)ကို မြန်မာသံနဲ့ ခေါ်ကြရင်း တွင်ခဲ့လေသလားမသိ။ သိရသလောက် ကိုနန်းက အကြောင်းအမျိုးမျိုးကြောင့် အိန္ဒိယရောက်လာပြီး အကူညီလိုအပ်ကြသူ မြန်မာတွေကို မငြီးမငြူ ကူညီတတ်တဲ့သူ။ ကူညီရတာအဆင်ပြေအောင် လွန်ခဲ့တဲ့လေးနှစ်က အိန္ဒိယမြန်မာသဟာယအသင်း ထောင်ထားခဲ့တာတဲ့။
.
အဲဒီ့ကိုနန်းက သူကူညီရမယ့် နာရေးအတွက် သရဏဂုံတင်ပေးမယ့် ဘုန်းကြီးပင့်ဖို့ ရှာရင်း တိုက်တိုက်ဆိုင်ဆိုင် ရခဲ့သည့်ဖုန်းနံပါတ်က တက္ကသိုလ်တက်နေတဲ့ မိမိရဲ့ ဖုန်းနံပါတ်ဖြစ်နေသည်။ အကြောင်းစုံလျှောက်ထားပြီး ကြွနိုင်မလား မေးလေတော့ သူငယ်ချင်းသုံးပါး ကြွလာဖို့ အာမခံလိုက်သည်။
ဒီနေ့ ၁၂:၃:၂၀၁၉ တက္ကသိုလ်တက်နေတဲ့ အတန်းတူ အဆောင်တူ သူငယ်ချင်းသုံးပါး မြန်မာဗုဒ္ဓဘာသာတစ်ဦးရဲ့ နောက်ဆုံးခရီးကို ပို့ဆောင်ပေးဖို့ နံနက် ဆယ်နာရီခွဲကတည်းက ရောက်နေခဲ့သည်။ အစ္စလာမ်ဒကာလေးက လာတွေ့သည်။ လက်အုပ်ချီသည်။ အရှင်ဘုရား တပည့်တော် နာမ်စားမှန်မှန်ဖြင့် ပြောနိုင်သည်ကိုတွေ့ရတော့ လူမှုဆက်ဆံရေး ကျွမ်းကျင်မှုအတွက် အမှတ်ပေးမိသေးသည်။
.
ကိုနန်းရောက်မလာသေးလို့ စောင့်တာရယ်၊ ရောက်လာပြန်တော့လည်း Body ထုတ်ခွင့်ရဖို့ စောင့်တာရယ်ဆိုတော့ နှစ်နာရီခွဲမှ ဆေးရုံမှထွက်ရသည်။
သင်္ဂြိုဟ်မယ့်သုဿာန်ရောက်တော့ နိဗ္ဗာန်ယာဉ်နောက်ဖုံးဖွင့်ထားပြီး အနားက လှေကားတက်မှာ တန်းလျားချ ကန်တော့ပွဲ ရေစက်ခွက် လှူဖွယ်သင်္ကန်းပြင်ဆင်ပြီး သရဏဂုံတင်ရသည်။ တရားနာ သီလယူ ရေစက်ချသူကား ကိုနန်းတစ်ယောက်သာ။ ဘုန်းကြီးကား သုံးပါး။ တကယ့်ကို မှတ်မှတ်ရရ နာရေးတစ်ခု။ ဘုန်းကြီးသုံးပါး လူသုံးယောက် ဘာသာလေးမျိုးပါဝင်သည့် နာရေး။ ရေခြားမြေခြား ဘာသာခြား အရပ်ဒေသမှာ ကိုယ့်ဘာသာ ဓလေ့ထုံးတမ်းအတိုင်း သင်္ဂြိုဟ်ရသည်ကပင် တော်လှပြီ။

ကွယ်လွန်သူ ဆရာဝန်ဒကာကြီး ကောင်းရာသုဂတိဘုံဘဝရောက်ပါစေ....
(မှတ်ချက်...ကွယ်လွန်သူ၏ အမည်ကို ထည့်မထားခြင်းမှာ တမင်မထည့်ခြင်း ဖြစ်ပါသည်။)
ဖိုးသူတော်(www.phothutaw.com)
Credit:Popolay
http://www.phothutaw.com/2019/03/blog-post_426.html